Gyssagly habar: Öýde ýeke galan ýedi çaga ýangynyň pidasy boldy
25 Февраль 2021 г., 10:26

Daşoguz welaýatynyň Gurbansoltan eje etrabynda 2021-nji ýylyň 23-nji fewralynda takmynan sagat 22:00 töweregi etrabyň Bamyly obasynyň ýaşaýjysy Didar Çaryýewiň öýünde ýangyn emele gelip, öý eýesiniň mekdep ýaşly we ondan hem kiçi 7 sany perzendi aradan çykan. Bu barada Dashoguz.live saýtynyň habarçysy wakanyň şaýatlaryna salgylanyp, habar berýär.

Obadaşlarynyň aýtmagyna görä, ýangyn dörän wagty Didar Çaryýew, onuň aýaly Sähragül we maşgalanyň beýleki iki sany çagasy goňşy obadaky garyndaşlarynda myhmançylykda bolanlar.

Habarçymyza mälim bolşuna görä, öýsüz galan Çaryýewleriň maşgalasy Gurbansoltan eje etrabynyň häkimligi tarapyndan waglaýyn ýaşaýyş jaýy we zerur serişdeler bilen üpjün edilen. Obadaşlary hem Çaryýewleriň maşgalasyna ýerli-ýerden goldaw berýärler.